Բայդենը կոչ է արել ամերիկացիներին՝ անհապաղ հեռանալ Ուկրաինայից

ԱՄՆ նախագահ Ջո Բայդենը կոչ է արել ամերիկացիներին՝ լքել Ուկրաինան՝ զգուշացնելով, որ այնտեղ իրավիճակը կարող է արագ «խելագար շրջադարձ» ունենալ։

Ավելի վաղ ԱՄՆ պետդեպարտամենտը կոչ էր արել ամերիկացիներին՝ լքել Ուկրաինան։

«Ամերիկայի քաղաքացիները պետք է հեռանան հիմա: Սա նույնը չէ, ինչ գործ ունենալ ահաբեկչական կազմակերպության հետ: Մենք գործ ունենք աշխարհի ամենամեծ բանակներից մեկի հետ: Սա բոլորովին այլ իրավիճակ է, և ամեն ինչ կարող է խելագար շրջադարձ ունենալ», - ասել է նա  NBC հեռուստաալիքին հարցազրույցում։

Կիևը և արևմտյան երկրները վերջերս մտահոգություն են հայտնել Ուկրաինայի սահմանների մոտ Ռուսաստանի «ագրեսիվ գործողությունների» ենթադրյալ աճի կապակցությամբ։ Մոսկվան բազմիցս հերքել է նման մեղադրանքները՝ ասելով, որ չի պատրաստվում որեւէ մեկի վրա հարձակվել։