Թուրքիան Ռուսաստանի և Ուկրաինայի միջև ապաէսկալացման կոչ է անում

Թուրքիան կոչ է անում թուլացնել լարվածությունը Ուկրաինայի և Ռուսաստանի միջև. ասվում է երկրի Ազգային անվտանգության խորհրդի նիստի արդյունքներով հայտարարության մեջ. որն անցկացվել է Անկարայում՝ Թուրքիայի նախագահ Ռեջեփ Թայիփ Էրդողանի նախագահությամբ։

«Իրավիճակի սրումը չի բխում կողմերից ոչ մեկի շահերից»,- նշել է Անվտանգության խորհուրդը։

Թուրքիայի ԱԽ-ն նաև կարևորել է Հարավային Կովկասում ստեղծված համագործակցության մեխանիզմների կատարելագործումը կողմերի, առաջին հերթին՝ Թուրքիայի և Հայաստանի կառուցողական և անկեղծ ջանքերով։

Թուրքիայի ազգային անվտանգության խորհրդի անդամները քննադատել են Հունաստանի «ավերիչ» գործողությունները Արևելյան Միջերկրական և Էգեյան ծովի տարածաշրջանում։ Նշվել է, որ Աթենքը շարունակում է հունական կղզիների ռազմականացումը՝ դրանով իսկ կոպտորեն խախտելով միջազգային իրավունքի նորմերը և համապատասխան պայմանագրերի դրույթները։

Հանդիպման մասնակիցները Հունաստանին կոչ են արել «անկեղծորեն արձագանքել» Թուրքիայի՝ երկխոսության և համագործակցության կոչերին։ 

Կարևորվել է նաև քրդական զինված խմբավորումների դեմ պայքարը Սիրիայում: