Պառակտում ԱՄՆ բանակցային թիմում. մի քանի անդամներ հեռացել են Վիեննայից

Ամերիկյան The Wall Street Journal թերթը երեքշաբթի առավոտյան հայտնել է, որ ամերիկյան թիմի ևս երկու անդամ լքել է բանակցությունները Վիեննայում և վերադարձել Վաշինգտոն՝  պատվիրակության ղեկավար Ռոբերտ Մալիի դիրքորոշման հետ անհամաձայնության պատճառով։

The Wall Street Journal-ը մեջբերում է Վիեննայի բանակցություններին ծանոթ մարդկանց. «Քանի որ Իրանի հետ JCPOA-ի վերակենդանացման բանակցությունները հասնում են կրիտիկական փուլին, ԱՄՆ բանակցային թիմի ներսում տարաձայնություններ են հասունանում այն հարցի շուրջ, թե ինչպես խստացնել իրենց դիրքորոշումը և երբ վերջնականապես հրաժարվել բանակցություններից»:

Հաղորդագրության համաձայն՝ ԱՄՆ թիմի որոշ անդամներ արդեն լքել են բանակցությունները՝ պնդելով, որ Իրանի նկատմամբ պատժամիջոցները չեղարկելու բանակցություններում ավելի կոշտ մոտեցում պետք է  ցուցաբերել։

The Wall Street Journal-ը հայտնել է նաև, որ, բացի Ռիչարդ Նևոյից՝ որպես Վիեննայի բանակցություններում ԱՄՆ պատվիրակության առանցքային անդամ, բանակցային թիմի ևս երկու անդամ հեռացել է Վիեննայից՝ բանակցություններում ավելի կոշտ դիրքորոշում պահանջելու պատճառով։