Դրա մասին խոսք չկա. Կրեմլը մեկնաբանել է Էրդողանի` Պուտին-Զելենսկի դեմ առ դեմ հանդիպում անցկացնելու առաջարկը

Ոչ մի երկկողմ հանդիպման նախապատրաստում Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի միջև, որն առաջարկել էր Թուրքիայի նախագահ Ռեջեփ Թայիփ Էրդողանը, չի ընթանում. «ՌԻԱ Նովոստի»-ին ասել է Կրեմլի խոսնակ Դմիտրի Պեսկովը։

«Այս հանդիպման մասին ոչինչ չկա... Կա միայն Ուկրաինայի կողմից զենքի ներկրում և նրա կողմից Մինսկի միջոցառումների փաթեթը չկատարում»,- ասել է Ռուսաստանի ղեկավարի մամուլի քարտուղարը։

Ավելի վաղ հաղորդվել էր, որ Էրդողանը Պուտինին և Զելենսկիին հրավիրում է բանակցությունների։ Թուրքիայի նախագահը ավելի ուշ ասել է, որ Անկարան հույս ունի, որ երկու առաջնորդները կկարողանան խոսել «դեմ առ դեմ»: