Թուրքերը Սարիղամիշի ճակատամարտին նվիրված քայլերթ են իրականացրել, որը նմանացրել են 2019 թ. դեպի Արցախ ադրբեջանական դրոշներով քայլերթին. Հովհաննիսյան

Ներկայիս Թուրքիայի Սարիղամիշում այսօր տեղի է ունեցել բազմահազարանոց քայլերթ՝  նվիրված, այսպես ասած, Սարիղամիշի ճակատամարտի հաղթանակի 107-րդ տարեդարձին: Այս քայլերթն այդքան էլ ուշադրություն չէր գրավի, եթե պատմության մեջ առաջին անգամ դրան չմասնակցեին ռազմական էլիտան. հայտնում է թուրքագետ Կարեն Հովհաննիսյանը:

«Քայլերթը կրել է ռազմական բնույթ, ինչն արտացոլվել է բարձրագույն ռազմական ներկայացուցչինչեի ներկայութամբ։ Հատկանշական է, որ պետական հաղորդագրության մեջ նշվում է, որ Սարիղամիշի ճակատամարտում, որը կառավարել է Էնվեր փաշան, ռուսներին ջախջախիչ պարտության են մատնել։ Դեպի Կարս քայլերթին մասնակցել են Երիտասարդության և սպորտի նախարար Մեհմեդ Մուհարեմ Քասապօղլուն, ազգային պաշտպանության նախարար Հուլուսի Աքարը, ընտանեկան հարցերի և սոցիալական ծառայությունների նախարար Դերյա Յանիկը, Կարսի նահանգապետը, 3-րդ բանակի հրամանատար, գեներալ-լեյտենանտ Յավուզ Թուրքգենջին, 9-րդ կորպուսի հրամանատար, գեներալ-մայոր Էրխան Ուզունը, իշխող «Արդարություն և զարգացում» կուսակցության պատգամավորներ Ահմեդ Արսլանը և Յունուս Քիլիչը և այլ քաղաքական, ռազմական գորժիչներ։ 

Ի դեպ, դեպի Կարս քայլերթը ադրբեջանցի մասնակիցները նմանեցրել են 2019թ․-ի աշնանը և 2020թ․-ի գարնանը ադրբեջանական դրոշներով Ադրբեջանից դեպի Շուշիի կողմ քայլերթին․․․», - նշել է Հովհաննիսյանը:

Հիշեցնենք, որ ռուսական և օսմանյան բանակների միջև 1914 թ. դեկտեմբերի 22-ից մինչև 1915 թվականի հունվարի 17-ը տեղի ունեցած գործողության ընթացքում կովկասյան բանակը գլխովին ջախջախել է թուրքերին` նրանց հասցնելով 80-90 հազար կորուստ: Տասնամյակներ ի վեր թուրքերը ցավով են հիշել այդ պարտությունը, սակայն վերջերս թուրքերը սկսել են այն «հաղթանակ» անվանել: