ՌԴ ԱԳՆ-ն հայտնել է, որ ուշադիր հետևում է Ղազախստանում իրավիճակի զարգացմանը

ՌԴ ԱԳՆ-ն հայտնել է, որ Մոսկվան ուշադիր հետևում է Ղազախստանում իրավիճակի զարգացմանը։

«Տուժած ՌԴ քաղաքացիների մասին տվյալներ չկան»,- ասվում է հաղորդագրության մեջ։

Միաժամանակ, Ալմաթիում նախորդ չարտոնված ցույցերի ժամանակ տուժել է 137 ոստիկան և 53 քաղաքացիական անձ, 40 մարդ հոսպիտալացվել է, որոնցից 7-ը վերակենդանացման բաժանմունքում են, այդ թվում՝ 4 ոստիկան։

Նշենք, որ չորեքշաբթի՝ հունվարի 5-ի առավոտյան բողոքի ցույցերը շարունակվել են Ղազախստանի մի շարք քաղաքներում։ Ալմաթիում բախումներ են սկսվել ցուցարարների և անվտանգության ուժերի միջև։ Մի քանի ոստիկաններ ծեծի են ենթարկվել։

Ղազախստանի երեք շրջաններում արտակարգ դրություն է հայտարարվել։ Կառավարությունը պաշտոնանկ է արվել. Ղազախստանի իշխանությունները քաղաքացիներին կոչ են անում չտրվել սադրանքներին։