ԱՄՆ-ը ուշադիր հետեւում է Ռուսաստանի ջանքերին

Միացյալ Նահանգները հետաքրքրությամբ են հետեւելու Ռուսաստանի Անվտանգության խորհրդի քարտուղար Նիկոլայ Պատրուշեւի Թեհրան այցին եւ փորձելու են կապեր հաստատել Ռուսաստանի հետ` իրանյան խնդիրը լուծելու համար. հայտարարել է պետդեպարտամենտի  պաշտոնական ներկայացուցիչ Վիկտորյա Նուլանդը:

«Այո, մենք գիտեինք, որ Պատրուշեւը պատրաստվում է մեկնել: Այս հարցի վերաբերյալ մենք մեր դիրքորոշումը չենք փոխել եւ ողջունում ենք Ռուսաստանի ցանկացած քայլը, որն ուղղված է Թեհրանին համոզելուն, որ փոխի իր գործելաոճը եւ սկսի կատարել իր միջազգային պարտավորությունները: Ահա, թե ինչու ենք մենք համագործակցում Ռուսաստանի հետ: Մեզ համար հետաքրքիր է, թե արդյո՞ք ռուսներին կհաջողվի Իրանի դեպքում առաջընթացի հասնել»,- ասել է Նուլանդը:

Ինչպես տեղեկացնում է РИА Новости-ն, Պատրուշեւն այժմ գտնվում է Իրանում` Իրանի ազգային անվտանգության գերագույն խորհրդի քարտուղար Սայիդ Ջալալի հրավերով: Իրանի նախագահ Մահմուդ Ահմադինեժադի եւ արտգործնախարար Ալի Աքբար Սալեհի հետ հանդիպումները պետք է լինեն այցի երկրորդ օրը:

Պատրուշեւի այցի շրջանակներում գլխավորապես քննարկվելու է Իրանի միջուկային ծրագրի փուլային կարգավորումը, որի մասին հուլիսին խոսել է ՌԴ արտգործնախարար Սերգեյ Լավրովը: