Ադրբեջանցի հայտնի օլիգարխը սպառնացել է «Россия»-ի լրագրողին, որը դիմել է իրավապահներին

«Россия» հեռուստաալիքի լրագրող Արկադի Մամոնտովը պաշտոնապես դիմել է ՌԴ Քննչական կոմիտե փախուստի դիմած ադրբեջանցի օլիգարխ Թելման Իսմայիլովի՝ իրեն ուղղված սպառնալիքների կապակցությամբ։

Ավելի վաղ ադրբեջանցի լրագրողի հետ հարցազրույցում Իսմայիլովն ասել էր, որ Մամոնտովը  «պետք է հետևի իր առողջական վիճակին, քանի որ մի քիչ հիվանդ է և գնում է այնտեղ, որտեղ  պետք չէ, և գրում է այնպիսի բաներ, որը չպետք է լինի»։

Մամոնտովն առաջին ռուս լրագրողն է, որը բացահայտել է Իսմայիլովին պատկանող Չերքեզյան շուկայում ամենաթողությունը։ Դրանից հետո օլիգարխը սկսել էր խնդիրներ ունենալ. քննիչներն Իսմայիլովային մեղադրում են կրկնակի սպանության, երգիչ Աբրահամ Ռուսոյի դեմ մահափորձի և զենքի ապօրինի շրջանառության մեջ։ 2014 թվականին Իսմայիլովը փախել էր Ռուսաստանից։ Նրա նկատմամբ հետախուզում էր հայտարարվել։ Անցյալ տարվա հոկտեմբերին նրան ձերբակալել էին Չեռնոգորիայում և ուղարկել քննչական մեկուսարան։ Սակայն 22 օր անց Իսմայիլովը անսպասելիորեն դուրս էր եկել և ստացել քաղաքական ապաստան ունեցողի կարգավիճակ։ Ռուսաստանի գլխավոր դատախազությունը պահանջել է չեղարկել այս որոշումը։