Իրանը պատրաստվում է արբանյակ արձակել տիեզերք

Իրանը պատրաստվում է արբանյակ արձակել տիեզերք «Իմամ Խոմեյնի» տիեզերակայանից. հայտնում է Associated Press-ը՝ վկայակոչելով Planet Labs Inc-ի՝ շաբաթ օրն արած լուսանկարները:

Նկարները ցույց են տալիս աշխուժություն տիեզերակայանում, մասնավորապես՝ օժանդակ մեքենա և հիդրավլիկ կռունկ։ Ըստ գործակալության` պատկերները ցույց են տալիս նաև մեծ թվով տրանսպորտային միջոցներ, դա  ևս ակտիվության նշան է, որը, սովորաբար, նախորդում է մեկնարկին:

Իրանի պետական IRNA լրատվական գործակալությունը դեկտեմբերի 5-ին հաղորդել է, որ չորս արբանյակ են պատրաստվում արձակել Իրանի տիեզերական ծրագրի շրջանակներում: Ըստ Associated Press-ի՝ դրանցից մեկը «նախապատրաստման վերջին փուլում է»։

Հնարավոր արձակման մասին տեղեկատվությունը տարածվում է ժամանակ, երբ վերսկսվում է լարվածությունը Իրանի միջուկային ծրագրի շուրջ: