ՏԵՍԱՆՅՈՒԹ․ Կառավարությունն ուղիղ քաղաքականություն է որդեգրել Արցախը թողնելու Ադրբեջանի կազմում․ Արա Զոհրաբյան

Այսօրվա կառավարությունն ուղիղ քաղաքականություն է որդեգրել Արցախը թողնելու Ադրբեջանի կազմում՝ ըստ Yerkir.am-ի ասաց Ազատագրական շարժման նախաձեռնողներից փաստաբան Արա Զոհրաբյանը ԱԳՆ շենքում բողոքի ակցիայի ժամանակ։

«Նիկոլ Փաշինյանը ԱԺ ամբիոնից մի հայտարարություն արեց, որով մատնեց այսօրվա կառավարության մտադրությունները․ մասնավորապես նա նշեց, որ 2016 թ-ից սկսած չկա ո՛չ գործնական, ո՛չ տեսական հնարավորություն Արցախն Ադրբեջանի կազմից հանելու։ Սա նշանակում է, որ այսօրվա կառավարությունն ուղիղ քաղաքականություն է որդեգրել Արցախը թողնելու Ադրբեջանի կազմում։ Ավելին, եթե 2016 թ-ին նման տեղեկատվություն կար, և իրենք էլ հասկացել էին, որ այդ խնդիրը կա՝ ինչո՞ւ էր այդ դեպքում 2019 թ-ին ամպագորգոռ հայտարարություն անում, որ Արցախը Հայաստան է և վերջ»,-ասաց Արա Զոհրաբյանը։

Նա վստահ է, որ այսօրվա կառավարությունն ի դեմս Նիկոլ Փաշինյանի և «նրանց նոտարի դեր ստանձնած Արմեն Սարգսյանի» ի վիճակի չեն ՀՀ շահերը ներկայցնել։

Ասաց, որ եկել են ԱԳՆ պաշտոնական տեղեկատվություն ստանալու այս հարցի մասին։

Մանրամասն՝ տեսանյութում․