ՏԵՍԱՆՅՈՒԹ․ ՏԻՄ ընտրությունները նաև սրանց մանդատից զրկելու իմաստով շատ կարևոր է․ Իշխան Սաղաթելյան

Ընդդիմությունը վերջերս հայտարարեց ողջ երկրում սկզբնավորվող Դիմադրության շարժման մասին, ՏԻՄ-երին նպատակամղված  մասնակցությունն ինչ-որ իմաստով համարե՞նք այդ շարժման մի հանգրվանը՝ Yerkir.am-ն այսպիսի հարց ուղղեց ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանին՝ Գեղարքունիքի մարզի Գեղամավան համայնքի ընտրատեղամասում ՏԻՄ ընտրություններին քվեարկելուց հետո։

Նա պատասխանեց, որ 37 համայնքից 19-ում ՀՅԴ-ն մասնակցում է, քանի որ քաղաքական ուժը չի կարող կարևոր քաղաքական իրադարձությանը չմասնակցել՝ իրենք մեր հայրենակիցներին պիտի տային այդ ընտրության իրավունքը և տվել են։

«Բայց սա նաև սրանց մանդատից զրկելու և ինչու չէ՝ դիմադրություն ցույց տալու իմաստով շատ կարևոր է»,-ասաց Իշխան Սաղաթելյանը։

Նա նշեց, որ իր այսօրվա քաղաքական ուղերձն է՝ չքվեարկել այն քաղաքական ուժին, որը երկրին բերել է աղետ, զոհեր, հայրենիքի կորուստ և չտալ հնարավորություն, որպեսզի այս աղետը շարունակվի։

Մանրամասն՝ տեսանյութում․