ԱՄՆ-ն ու Գերմանիան լուծել են «Հյուսիսային հոսք-2»-ի շուրջ վեճը. Reuters

Reuters գործակալությունը հայտնում է, որ ԱՄՆ-ը և ԳԴՀ-ն իբր կարողացել են լուծել «Հյուսիսային հոսք-2»-ի շուրջ իրենց տարաձայնությունները:

Բանակցությունները կավարտվեն առաջիկա օրերին: Նշվում է, թե համաձայնագրով հնարավոր կլինի խուսափել խողովակաշարի օպերատորի և դրա գլխավոր գործադիր տնօրենի դեմ ԱՄՆ պատժամիջոցների երկարաձգումից:

Բացի դրանից՝ լրատվամիջոցը հայտնում է, որ Վաշինգտոնը և Բեռլինը պատրաստվում են ավելի շատ միջոցներ հատկացնել Ուկրաինայում էներգետիկ վերափոխումներին:

Ավելի վաղ Ուկրաինայի նախագահի մամուլի քարտուղար Սերգեյ Նիկիֆորովը հայտնել էր, որ Անգելա Մերկելը և Ջո Բայդենը աջակցություն են խոստացել Կիևին: Ըստ նրա՝ քաղաքական գործիչները չեն բացատրել, թե ինչպես է դա դրսևորվելու: