Հայաստանը պետք է օգտվի իրեն մեկնված՝ խաղաղության ձեռքից. Թուրքիայի անվտանգության խորհուրդ

Հայաստանը պետք է օգտվի խաղաղության հաստատման այս հնարավորությունից, լիովին պահպանի հրադադարը և համագործակցի։ Այս մասին ասվում է Թուրքիայի Ազգային անվտանգության խորհրդի նիստի արդյունքներով հայտարարության մեջ, որն անցկացվել է Անկարայում՝ այդ երկրի նախագահ Ռեջեփ Թայիփ Էրդողանի նախագահությամբ։

«Հայաստանը պետք է գնահատի իրեն մեկնված՝ խաղաղության ձեռքը՝ որպես շանս, որ ամբողջությամբ պահպանի հրադադարը և հավատարմություն ցուցաբերի համագործակցությանը», - ասվում է կոմյունիկեում։

Թուրքական ԱԽ անդամները նաև Հունաստանին են կոչ արել հարգել բարիդրացիական հարաբերությունները Թուրքիայի հետ՝ տարածաշրջանում կայունություն և խաղաղություն ապահովելու համար։ «Մենք հրավիրում ենք այն ուժերին, որոնք աջակցում են Հունաստանի գործողություններին, որոնք հակասում են միջազգային իրավունքին և բարիդրացիական հարաբերություններին, հանդես գալ արդարության և խաղաղության օգտին»,- ասվում է հայտարարության մեջ։