Meta-ն ամբողջական ընդլայնված իրականությամբ Project Nazare խելացի ակնոց է մշակում

Meta ընկերությունը, որը նախկինում հայտնի էր Facebook անվամբ, հայտարարել է լրացված իրականության Project Nazare նոր ակնոցի ստեղծման մասին, որն ուղղված կլինի սովորական սպառողներին:

Սարքն օգտագործողներին կառաջարկի ընկերների հետ շփման լայն հնարավորություն, ինչպես նաև ընդլայնված իրականության մեջ բազմակի օգտագործման խաղերի առկայություն։

Meta-ի ղեկավար Մարկ Ցուկերբերգը հայտարարել է, որ նոր սարքը կդառնա ընդլայնված իրականության առաջին ամբողջական ակնոցը, բայց նշել է, որ այն դեռ մշակման փուլում է, և  առկա է միայն գաղափար և տեխնիկական բազա, նույնիսկ ակնոցի վերջնական դիզայնը որոշված չէ։

Մարկ Ցուկերբերգը հայտնել է, որ Project Nazare նախագծի գործարկմանը դեռ մի քանի տարի կա։