Այսօր իմ երկրորդ ծննդյան օրն է. Կոտենոկը հիշել է մեկ տարի առաջ Շուշիի Ղազանչեցոց եկեղեցու ռմբակոծությունը

Եղբայրնե՛ր եւ քույրե՛ր, այսօր իմ երկրորդ ծննդյան օրն է. գրել է ռուս ռազմական թղթակից Յուրի Կոտենոկը, որը մեկ տարի առաջ՝ հոկտեմբերի 8-ին, Շուշիի Ղազանչեցոց եկեղեցու ռմբակոծության ժամանակ եղել էր այնտեղ:

«2020 թվականի հոկտեմբերի 8-ին ադրբեջանցիների «Բայրաքթարները» (կառավարվում և ղեկավարվում էին թուրքերի կողմից) հրթիռ արձակեցին  Շուշիի Սբ Ամենափրկիչ տաճարում առաջին հարվածից առաջացած անցքի մեջ: Եկեղեցում միայն երեքս էինք` ես, Լևոն Արզանովը և Հրանտ Բալադյանը: Հրթիռը պայթեց ինձանից 2 մետր հեռու, թռավ 4 մետր հեռու: 40-ից ավելի բեկոր մարմնիս, գլխիս, սրտիս շրջանում: Թոքերը, ձեռքերը, ոտքերը խոցվել էին: Հրաշքով եմ ողջ: Փառք Աստծոն ամեն ինչի համար: Շնորհակալություն Սամվել սարկավագին, հայ բժիշկներին: Աշխատում ենք, եղբայրնե՛ր»,- գրել է նա: