Շրջափակումը որոշ չափով ավելի արդյունավետ է, քան ռմբակոծությունը. Թրամփ

Շրջափակումը որոշ չափով ավելի արդյունավետ է, քան ռմբակոծությունը։ Այս մասին հայտարարել է ԱՄՆ նախագահ Դոնալդ Թրամփը՝ խոսելով Իրանի մասին։

Axios-ին տված հարցազրույցում նա հայտարարել է, որ Իրանի ծովային շրջափակումը կմնա ուժի մեջ մինչև միջուկային համաձայնագրի կնքումը։

«Նրանք չեն կարող միջուկային զենք ունենալ։ Նրանք չեն ուզում, որ ես պահպանեմ շրջափակումը։ Ես չեմ ուզում վերացնել այն, քանի որ չեմ ուզում, որ նրանք միջուկային զենք ունենան»,-ասել է Թրամփը։

Ավելի վաղ հայտնի էր դարձել, որ նավթով բեռնված նավերը չեն կարողանում ծով դուրս գալ՝ իրանական նավահանգիստները շրջափակելու՝ ԱՄՆ ռազմածովային ուժերի գործողությունների պատճառով։