Ասում եք՝ մինչև 2018-ը որևէ լավ բան տեղի չի ունեցել, իսկ սոցփաթեթը ե՞րբ է ներդրվել․ Վարդևանյանը՝ փոխնախարարին

Դուք ներկայացնում եք քաղաքական թիմ, որը ներկայացնում է, որ մինչև 2018 թվականը ՀՀ-ում որևէ լավ բան տեղի չի ունեցել։ Հիմա այս սոցիալական փաթեթը, կարո՞ղ եք պարզաբանել, ե՞րբ է ներդրվել, և ճի՞շտ եմ ընկալում, որ դրական ինստիտուտ է, դուք էլ մտածում եք ընդլայնելու մասին։ Այս հարցն ԱԺ-ում ՀՀ աշխատանքի և սոցիալական հարցերի փոխնախարար Ռուբեն Սարգսյանին ուղղեց «Հայաստան» խմբակցության պատգամավոր Արամ Վարդևանյանը։

Ի պատասխան փոխնախարարը նշեց, որ 2013 թվականին է ներդրվել սոցփաթեթը, և ցանկանում են հնարավորինս հարմարավետ դարձնել այն քաղաքացիների համար։

Այնուհետև Վարդևանյանը շարունակեց․ «Սոցփաթեթը չի վերաբերում բարձրաստիճան պաշտոնյաներին, ինչպե՞ս է ստացվում, որ պարգևատրումը վերաբերում է պետական, քաղաքական պաշտոնյաներին»։