ՏԵՍԱՆՅՈՒԹ․ Հայաստանի պատմության մեջ ամենամութ գործարքն է՝ վարչապետի աշխատակազմը փայ է մտնում ԶՊՄԿ մեջ․ Քոչարյան

Զանգեզուրի պղնձամոլիբդենային կոմբինատը այն կոմբինատն է, որն անընդհատ ինձ հետ են, չէ՞, կապում, թեև ես երբևիցե որևէ կապ չեմ ունեցել, և դա արվում էր «Հայկական ժամանակ» թերթի կողմից 10 տարի շարունակ՝ ըստ Yerkir.am-ի ասաց «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը մամուլի ասուլիսում։

«Հիմա նայեք՝ ո՞վ փայ մտավ և ո՞ւմ հետ փայ մտավ։ Հայաստանի պատմության մեջ ամենից մութ գործարքն է՝ անհասկանալի տրամաբանությամբ։ Չես հասկանում, թե ինչու՝ ինչ-որ նվիրաբերություն է արվում, և այդ փայի կառավարումը փոխանցվում է վարչապետի աշխատակազմին․ աբսուրդ է»,-ասաց նա։

Պետական բաժնեմասերը պետք է կառավարվեն Ֆինանսների նախարարության կողմից, կարող է՝ Էկոնոմիկայի նախարարության կողմից, ընդգծեց Ռոբերտ Քոչարյանը, ի՞նչ գործ ունի և ի՞նչ մասնագիտական հմտություն ունի վարչապետի աշխատակազմը նման գործառույթ ունենալու համար։

«Սա ուղղակի փայ մտնել է Հայաստանի ամենից խոշոր, ամենից գրավիչ ակտիվի կառավարման մեջ՝ ֆինանսական հոսքերը կառավարելու համար, այլ բացատրություն այստեղ չկա։ Սա կոռուպցիայի ամենամեծ դրսևորումն է, բարձրագույն պիլոտաժ է՝ լկտիության հասնող»,-ասաց Ռոբերտ Քոչարյանը։

Մանրամասն՝ տեսանյութում․