Ե՞րբ են հանձնել Գորիս-Կապան ճանապարհը. Абрикос NEWS-ը աղմկոտ փաստաթուղթ է հրապարակել

Абрикос NEWS տելեգրամյան ալիքը գրում է.

«Ինչպես հայտնի է, սեպտեմբերի 9-ից ադրբեջանցիներն անցակետ են բացել Սյունիքի մարզում` Որոտան գյուղի մոտ:

Դեռ 2020 թվականի դեկտեմբերի 18-ին Հայաստանի պաշտպանության ապագա նախարար Վաղարշակ Հարությունյանը Մոսկվայում հուշագիր է ստորագրել այս ճանապարհը 5 տարի ժամկետով Ադրբեջանին հանձնելու վերաբերյալ, ինչը նախատեսված չէր նոյեմբերի 9-ի եռակողմ հայտարարության մեջ: Հայ զինվորները պետք է լքեին այդ դիրքերը սահմանազատման ընթացքում: Բայց քանի որ Վաղարշակ Հարությունյանը հուշագիր է ստորագրել ադրբեջանական կողմի հետ` նույն տարածքները ճանաչելով ադրբեջանական, գործընթացը սկսվել է նախքան սահմանների սահմանազատումը: Իսկ այս հուշագրի ստորագրման մոտիվացիան ու պատճառները դեռ ոչ ոքի համար հայտնի չեն: Եվ, չգիտես ինչու, Հայաստանի խորհրդարանի ընդդիմադիր խմբակցությունները նույնպես լռում են այս մասին:

Ձեր ուշադրությանն ենք ներկայացնում հուշագրի տեքստը, որտեղի կտեսնեք, որ հայկական կողմից միակ ճշգրտումն այն է եղել, որ «Կաֆան» բառը  փոխարինվել է Կապանով: Գոնե դրա համար կարելի է նրանց շնորհակալություն հայտնել»: