|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Վրաստանի նախագահ Սալոմե Զուրաբիշվիլին հայտարարել է, որ երբեք համաներում չի շնորհի պետության նախկին ղեկավար Միխեիլ Սահակաշվիլիին:
«Այսօր շատերը հարցնում են՝ արդյո՞ք նախագահը մտադիր է նրան ներում շնորհել: Կա միայն մեկ պատասխան՝ պարզ և վերջնական՝ ոչ և երբեք»,- նրա խոսքը մեջբերում է ՏԱՍՍ-ը։
Զուրաբիշվիլին նաև նշել է, որ քաղաքական գործչի՝ հանրապետություն կատարած այցի նպատակը իրավիճակի ապակայունացումն է:
Հոկտեմբերի 1-ին հանրապետության վարչապետ Իրակլի Ղարիբաշվիլին հայտարարել էր, որ ութնամյա արտաքսումից հետո երկիր վերադարձած Սահակաշվիլին ձերբակալվել է իրավապահների կողմից և կալանքի տակ է: Նա նշել է, որ ոստիկանությունը նախնական տեղեկություններ ուներ փախած քաղաքական գործչի`Ուկրաինայից Վրաստան տեղաշարժերի մասին:
Սահակաշվիլիի դեմ երկրում մի շարք քրեական գործեր էին հարուցվել նախկինում։