Թուրքիան և Եգիպտոսը հերթական քայլն են կատարել՝ վերականգնելու հարաբերությունները

Թուրքիան սեպտեմբերի 7-ին և 8-ին Եգիպտոսի դիվանագիտական պատվիրակությանը հրավիրել է այցելել Անկարա՝ երկկողմ և տարածաշրջանային հարցեր քննարկելու համար. երեկ հայտարարել է Թուրքիայի ԱԳՆ-ն:

Այցը, որը կլինի երկու երկրների միջև հարաբերությունների վերականգնմանն ուղղված դիվանագիտական բանակցությունների երկրորդ փուլը, կգլխավորեն Եգիպտոսի և Թուրքիայի արտաքին գործերի նախարարի տեղակալ Համդի Լոզան և Սեդաթ Օնալը:

«Բանակցությունների ընթացքում կողմերը կքննարկեն երկկողմ և տարածաշրջանային հարցեր»,- Hurriyet-ը մեջբերում է գերատեսչությանը:

Թերթը հիշեցնում է, որ բանակցությունների առաջին փուլն անցկացվել է Կահիրեում մայիսի 5-6-ին, և երկու կողմերն այն բնութագրել  են որպես «դրական»: