Ռաիսին մտադիր է ակտիվ դիվանագիտություն վարել հարևան երկրների հետ

Իշխանության ղեկին լինելու ընթացքում Իրանի նախագահ Էբրահիմ Ռաիսին մտադիր է արտաքին քաղաքականության մեջ նախապատվությունը տալ հարևան երկրների հետ հարաբերություններին: Այս մասին չորեքշաբթի նա ասել է Թեհրանում՝ նախարարների կաբինետի նիստում. հաղորդում է իրանական պետական հեռուստաալիքը:

«Ամենաակտիվ դիվանագիտությունը պետք է իրականացվի հարևանների հետ: Մենք պետք է ամեն ջանք գործադրենք առևտրատնտեսական համագործակցության զարգացման համար, քանի որ կան լավ հնարավորություններ ամրապնդելու հարաբերությունները և մեծացնելու Իրանի մասնաբաժինը տարածաշրջանային առևտրում»,- ասել է Ռաիսին:

Նա անդրադարձել է նաև աֆղանական խնդրին՝ մերձավորարևելյան երկրում վերջին 20 տարիների իրադարձություններն անվանելով ԱՄՆ-ի կողմից մարդու իրավունքների բացահայտ ոտնահարում:

«Աֆղանստանում տարիներ շարունակ տեղի ունեցող լուռ ողբերգության մասշտաբները տեսնելու համար բավական է ուշադրություն դարձնել սպանված, վիրավոր կամ հաշմանդամ կանանց և երեխաների վիճակագրությանը»,- ավելացրել է Իրանի նախագահը: