Սա ոչ թե Արմեն Չարչյանի դեմ ուղղված գործողություն է, այլ Հայաստան պետության. Գեղամ Նազարյան

Սա ոչ «Հայաստան» դաշինքի դեմ ուղղված գործողություն է, ոչ էլ Արմեն Չարչյանի, սա գործողություն է Հայաստան պետության դեմ: Այս մասին Yerevan.Today-ի հետ զրույցում ասաց «Հայաստան» խմբակցության պատգամավոր Գեղամ Նազարյանն անդրադառնալով Վերաքննիչ դատարանի որոշմանը:

Հիշեցնենք, որ Վերաքննիչ քրեական դատարանը դատավոր Ռուբիկ Մխիթարյանի նախագահությամբ, բավարարել է դատախազոության բողոքը, ինչի արդյունքում «Իզմիրլյան» ԲԿ նախկին տնօրեն, «Հայաստան» խմբակցության պատգամավոր Արմեն Չարչյանը կկալանավորվի։

«Ակնհայտ է, որ սա ուղղված է Հայաստան պետության դեմ, քանի որ այսքան աղաղակող խախտումներով համառորեն կալանավորում են մարդուն, որը ազատության մեջ գտնվելով չի խոչըտնդոտել գործի քննությանը, վնաս չի ներկայացրել հանրության համար: Բարոյական կողմն էլ մի կողմ թողնենք, որ ազատության մեջ գտնվելով Արմեն Չարչյանը կարող է ամեն օր փրկել մարդկային կյանքեր:

Այս վարչախումբը կոնկրետ թիրախավորում է ամեն լավ բան, բժիշկ, ֆիզգարադոկի գեղեցիկ պուրակ, Արցախ, ինչքան սիրուն բան կա, փորձում են ոչնչացնել:

Պատահական չէ նաև դիմակային տեռորը ուսումնական տարվան ընդառաջ, տրամաբանությունը շատ պարզ է՝ Հայաստանում հայ երեխան չպետք է նորմալ կրթություն ստանա: Այսինքն հարված ամեն նորմալին և կայացածի՝ ընտանիք, Հայաստան համահայկական հիմնադրամ, եկեղեցի, բանակ, սա թիրախավորված գործողություն է ուղղված մեր պետության դեմ»,-ասաց պատգամավորը: