Երեք տարիների ընթացքում թուրքերին բերեցիք նստեցրեցիք Շուշիում. Գեղամ Մանուկյան

2017 թվականին Ենոքավան համայնքում մի քաղաքական դաշիքն հավաքել է 16 ձայն, դա Փաշինյանի ղեկավարած Ելք դաշինքն է, թե մի տարում ինչ է փոխվել մարդկանց գիտակցության մեջ, չգիտեմ: Այս մասին ԱԺ-ում իր ելույթում ասաց «Հայաստան» խմբակցության պատգամավոր Գեղամ Մանուկյանը:

Նրա խոսքով՝ քաղաքական ինստիտուցիոնալ հիշողությունը շատ կարևոր բան է, քանի որ իշխանության շատ ներկայացուցիչների թվում է, թե մարդիկ հիշողություն չունեն:

«Ո՞վ է սրա պատասխանը տալու, որ քաղաքական ղեկավարությունը չէր գիտակցում, որ Թուրքիան մասնակցելու է Հայաստանի դեմ պատերազմում: Թուրքիան միշտ է ուզել խառնվել Արցախյան կոնֆլիկտին, բայց քաղաքական ղեկավարության ջանքերով նրան ոչինչ չի հաջողվել, իսկ ահա վերջին երեք տարիներին թուրքերին բերեցիք նստեցրեցիք Շուշիում և Աղդամում»,-ասաց նա: