Բուլղարիայում պատվաստումների սխալ քաղաքականությունը հանգեցրել է 10 հազար մարդու մահվան

Կորոնավիրուսի դեմ բնակչությանը պատվաստելու արշավի նախապատրաստման ընթացքում կատարված սխալները խլել են մոտ 10 հազար մարդու կյանք. ասել է Բուլղարիայի տեխնիկական կառավարության առողջապահության նախարար Ստոյչո Կացարովը: Այս մասին հայտնում է ՏԱՍՍ-ը:

«Պատվաստումներ կազմակերպելիս Բուլղարիան առաջնահերթություն չէր տալիս 60-ից բարձր քաղաքացիներին և լուրջ հիվանդություններ ունեցողներին: Փորձագետների կարծիքով՝ սա հանգեցրել է համաճարակի երկրորդ ալիքի ժամանակ մոտ 10 հազար հիվանդի մահվան, այդ կյանքերը կարող էին փրկվել, քանի որ մահացածների մոտ 80%-ը տարեց քաղաքացիներ էին»,- ասել է Կացարովը:

Նախարարը նշել է, որ նախապատվությունը տալով բրիտանա-շվեդական AstraZeneca ընկերության պատվաստանյութին՝ Բուլղարիան դրա պակասի առաջ է կանգնել: Դեղամիջոցի մատակարարման ուշացման պատճառով մինչև փետրվարի վերջը երկրում կարողացավ պատվաստվել ոչ ավելի, քան 200 հազար բնակիչ:

Ներկայումս Բուլղարիայում պատվաստված է բնակչուևթյան 16,2%-ը: