Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-07-17 11:13
Քաղաքական

Եվրոպացին եկել և լուրջ դեմքով ժողովրդավարությունից, մարդու իրավունքներից ու առաջընթացից է խոսելո՞ւ. Ք. Վարդանյանը՝ վերջին ակցիայի մասին

Եվրոպացին եկել և լուրջ դեմքով ժողովրդավարությունից, մարդու իրավունքներից ու առաջընթացից է խոսելո՞ւ. Ք. Վարդանյանը՝ վերջին ակցիայի մասին

«Հայաստան» դաշինքի անդամ Քրիստինե Վարդանյանը ֆեյսբուքյան իր էջում գրում է․

«Ի՞նչ է տեղի ունեցել այսօր։
 
Իրականում շատ բան, բայց մեկին ուզում եմ անդրադառնալ. այսօր Դաշնակցության երիտասարդականը բողոքի ցույց էր կազմակերպել Եվրոպայի խորհրդի նախագահի այցի կապակցությամբ, որովհետև Եվրոպան լուռ էր երբ մեզ՝ հայերիս դեմ ֆոսֆորային զենք էր կիրառվում Արցախում:
 
Լռում էր, երբ Արցախում սպանվում էին խաղաղ բնակչներ:
 
Լուռ էր, երբ մեր չկայացած դիկտատորը, չագուչը ձեռքին, քարոզարշավ էր անում:
 
Լռում է, երբ ամեն օր Հայաստանում ավելանում են քաղբանտարկյալները:
 
Ու հիմա եկել, լուրջ դեմքով ժողովրդավարությունից, մարդու իրավունքներից ու առաջընթացից են խոսելու։
 
Չէ, իհարկե սա աշխարհի պես հին երևույթ է, բայց այստեղ կարևորն այլ բան է։ Որևէ մեկը չի ակնկալում, որ ԵՄ-ն կամ այլ քաղաքական ուժ մի օր մտահոգվելու է մեր խնդիրներով, իր գործերը թողած` սկսելու է գործել` մեր շահերից ելնելով, առնվազն մեր մեջ նման միամիտներ չկան։
 
Բայց, այ սիրելի հայրենակիցներ, էլ ոնց ձեզ բացատրենք, որ նորմալ չի, որ այս վիճակում Հայաստանում ընդվզում չկա։
 
Հիմա մենք, երբ տեսնում ենք, որ հայրենիքի կորստից, դավադիր պատերազմից, Հայաստանի ամենախայտառակ ընտրություններից մեկից հետո գրեթե բոլորը հարմարվել ու անցել են իրենց կյանքին, մենք մեր պարտքն ենք համարում ընդվզման թեկուզ թույլ, բայց կարևոր ձայն բարձրացնել։
 
Մենք դա անում էինք նաև անցած տարի, երբ Ուկրաինան հակահայկական հայտարարություն էր անում (ու իշխանության ներկայացուցիչները վատանում էին դրանից), մենք դա անելու ենք հետագայում։ Անելու ենք միշտ։
 
Անցած տարի էլ էի նույն բանի մասին գրել. ես մենակ ցավում եմ, որ այլ՝ հատկապես երիտասարդական կազմակերպություններ չկան, որ իրենք էլ զբաղվեն էս հարցերով, ցավում եմ, որ 2018-ից հետո Հայաստանում քաղաքացիական հասարակություն չկա, մինչև այդ եղածն էլ պարզվեց, որ պաշտոնի համար էր։
 
Ոչինչ, թող ես ու իմ ընկերները լինենք «փողով ցույց անող, ինչ-որ գերտերությունների հպատակներ»։ Սա պետք է Հայաստանի համար, ուրեմն պետք է արվի»։


բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը