ՀՅԴ Արցախի նորընտիր ԿԿ-ի անդրանիկ նիստում ներկայացուցիչ է ընտրվել Արթուր Մոսիյանը

Հուլիսի 11-ին իր աշխատանքներն ավարտեց հուլիսի 10-ին մեկնարկած ՀՅԴ Ապառաժի շրջանի 26-րդ հերթական Շրջանային ժողովը:

Ժողովին ներկա էին ՀՅԴ Բյուրոյի անդամ Արմեն Ռուստամյանը, ՀՅԴ Գերագույն Մարմնի անդամ Իգոր Սարգսյանը, ՀՅԴ Արցախի շրջանավարտ Կենտրոնական կոմիտեի անդամներ, պատվիրակներ ՀՅԴ Արցախի բոլոր շրջանային մարմիններից, հրավիրյալ ընկերներ:

Ժողովը հանգամանորեն գնահատեց և ամփոփեց շրջանավարտ ԿԿ-ի երկամյա գործունեությունը, նախանշեց նորընտիր ԿԿ-ի անելիքները: Ժողովի ավարտին կայացել է նոր Կենտրոնական կոմիտեի  ընտրություն:

Քվեարկության արդյունքում ընտրվել է Կենտրոնական կոմիտեի 7 հոգանոց կազմ՝ Դավիթ Իշխանյան, Արթուր Մոսիյան, Արա Պուլուզյան, Ալյոնա Գրիգորյան, Անդրանիկ Չավուշյան, Սուրեն Շինդյան, Ժիրայր Շահիջանյան:  

ՀՅԴ Արցախի նորընտիր ԿԿ-ի անդրանիկ նիստում  ներկայացուցիչ է ընտրվել Արթուր Մոսիյանը:

Տես նաև՝  ՀՅԴ Արցախի 26-րդ Շրջանային Ժողովի հայտարարությունը: