Հայաստանի և Ադրբեջանի միջև համաձայնագիրը Վրաստանի քաղաքականության ամենակարևոր հաջողությունն է. Ղարիբաշվիլի

Վրաստանի քաղաքականության ամենակարևոր հաջողությունը Ադրբեջանի և Հայաստանի միջև վերջերս ձեռք բերված համաձայնությունն է: Սա, իրոք, աննախադեպ իրադարձություն է, որն ընդգծում է Վրաստանի հատուկ դերը տարածաշրջանում խաղաղություն ապահովելու գործում: Այս մասին ասել է Վրաստանի վարչապետ Իրակլի Ղարիբաշվիլին խորհրդարանում երկրի զարգացման տասնամյա ծրագրի ներկայացման ժամանակ:

Վրաստանի կառավարության ղեկավարն ասել է, որ Ղարաբաղյան պատերազմը զգալի դժվարություններ է ստեղծել ամբողջ տարածաշրջանի համար:

«Հարևան երկրներում խաղաղությունն ու կայունությունը կարևոր են Վրաստանի համար, կառավարությունը վարում է հավասարակշռված և միևնույն ժամանակ փոխշահավետ համագործակցության քաղաքականություն», - ընդգծել է Ղարիբաշվիլին: