Բունդեսթագի անդամը կոչ է անում դադարեցնել Թուրքիայի հետ ԵՄ անդամակցության բանակցությունները

Գերմանական Ազատ դեմոկրատական կուսակցության խորհրդարանական խմբակցության փոխնախագահ Ալեքսանդր Լամբսդորֆը ԵՄ առաջնորդների առաջիկա գագաթնաժողովի նախօրեին կոչ է արել դադարեցնել ԵՄ-ին անդամակցության մասին բանակցությունները Թուրքիայի հետ: Այս մասին նա հայտարարել է հինգշաբթի DPA գործակալությանը:

«Պետությունների և կառավարությունների ղեկավարները պետք է գագաթնաժողովն օգտագործեն Թուրքիայի հետ անդամակցության անարդյունք բանակցությունները դադարեցնելու համար և փոխարենը նոր հարաբերությունների հիմք ստեղծեն։ Այն փաստը, որ Թուրքիան նոր է դիմել նախագծին մասնակցության համար՝ անվտանգության քաղաքականության ոլորտում եվրոպական համագործակցության շրջանակներում, ցույց է տալիս ապագա փոխգործակցության հնարավորությունը՝ անկախ անդամակցության երկարամյա գործընթացից», - ասել է քաղաքական գործիչը:

Միևնույն ժամանակ, Լամբսդորֆը կարծում է, որ անհրաժեշտ է հստակ ռազմավարություն մշակել Ռուսաստանի և Թուրքիայի հետ կապված: «Համագործակցությունը այնտեղ է, որտեղ հնարավոր է, բայց հակասությունն այն է, որ Անկարան կամ Մոսկվան խախտում են մարդու և քաղաքացիական իրավունքները կամ եվրոպական աշխարհակարգը»,- նշել է նա:

Գերմանացի քաղաքական գործիչմ ավելացրել է, որ գերմանական իշխանությունները պետք է որոշում կայացնեն «Հյուսիսային հոսք-2» գազատարի շինարարության նկատմամբ մորատորիումի մասին: Մյուս կողմից, անհրաժեշտ է ազդանշան ուղարկել, որ կլիմայի պաշտպանությունը, տնտեսական համագործակցությունը և սպառազինության վերահսկումը նույնպես գտնվում են եվրոպական շահերի տիրույթում: