ԵՄ-ն սպառնացել է դադարեցնել Թուրքիայի և Մաքսային միության միջև բանակցությունները

ԵՄ կառավարությունները որոշել են կասեցնել Մաքսային միության արդիականացման վերաբերյալ Թուրքիայի հետ վարվող բանակցությունները. հաղորդում է Sputnik-ի թուրքական ծառայությունը` Bloomberg-ի հղումով։

Թուրքիան մայիս ամսվա սկզբին Միջերկրական ծովի արևելյան հատվածում` Կիպրոսի հատուկ տնտեսական գոտի համարվող ջրերում, սկսել էր հորատման աշխատանքներ՝ նավթ և գազ որոնելու համար։

Նշվում է, որ «ԵՄ-ն Կիպրոսի հետ համերաշխ է և պատրաստ համապատասխան պատասխանը տալուն», նաև հիշեցվում է, որ ԵՄ և Թուրքիայի միջև անդամակցության բանակցությունները կասեցվել են։

Նշենք, որ երեկ Հունաստանի վարչապետ Ալեքսիս Ցիպրասը Թուրքիային սպառնացել էր, որ պատրաստվում է դիմել ԵՄ՝ Թուրքիայի նկատմամբ պատժամիջոցներ կիրառելու համար։