Ինչպե՞ս է ստացվում, որ Տիգրան Ավինյանենց տան փողոցի ասֆալտը չի քանդվել, բայց Գայի պողոտայի շուրջ 6 ամիս կառուցած փողոցում խրամատներ են գոյացել․ հարց՝ Փաշինյանին

Երևանի ավագանու անդամ Մեսրոպ Մանուկյանը գրել է.

«Հարցեր Նիկոլ Փաշինյանին շարքից․․․

Այսօր, Նիկոլ Փաշինյան, Ձեզ՝ որպես ասֆալտի «լավ» մասնագետ եմ հարց տալիս.

Կարո՞ղ եք ասել կամ գուշակել, թե ի՞նչպես է ստացվում, որ Ձեր Տիգրան Ավինյանենց տան փողոցի ասֆալտը չի քանդվել, բայց Գայի պողոտայի շուրջ 6 ամիս կառուցած փողոցում խրամատներ են գոյացել․․․։

Իմիջայլոց ամենաշատ աղն ու ավազը հենց այս փողոցում է լցվել՝ քանի որ քաղաքապետի փողոցն է։

Մի փոքր օգնեմ, կարո՞ղ ա այստեղ բիտումը չեն տնտեսել ու որակով են սարքել։

Հ․ Գ․ Ուղղակի ահավոր է, որ տեսանյութի ճանապարհի մի հատվածը «Գրիգոր Լուսավորիչ» Շտապ օգնության հիվանդանոցի ճանապարհն է և այստեղով պետք է փորձեն հիվանդին մեկ րոպե շուտ հասցնեն հիվանդանոց․․․։

Թե բա «ԱՍՖԱԼՏԸ ԴԱ ԱՍՖԱԼՏ Է»․․․»։