Ոստիկանությունում բացատրություն եմ տվել, դիմել եմ նաև ՄԻՊ-ին․ Անուշ Դաշտենցը՝ իմքայլական պատգամավորի կողմից իր հեռախոսը խլելու միջադեպի մասին

Լրագրող Անուշ Դաշտենցն այսօր գնացել է Ոստիկանության Կենտրոնի քննչական բաժանմունք և բացատրություն տվել։

«Պնդել եմ, որ Հայկ Սարգսյանը խոչընդոտել է իմ լրագրողական մասնագիտական օրինական գործունեությանը և որ հնարավոր է՝ հիմնավոր կասկածներ ունենալու դեպքում, բողոքներ ունենամ նաև անձնական տվյալներիս գաղտնիության հետ կապված, քանի որ նա դրանց տիրապետելու հնարավորություն է ունեցել՝ մուտք գործելով իմ հեռախոս և ջնջելով տեսանյութը։ Դիմել եմ նաև ՀՀ ՄԻՊ-ին։ Առայժմ՝ այսքանը», - ֆեյսբուքյան իր էջում գրել է Անուշ Դաշտենցը։

Հիշեցնենք, որ օրեր առաջ իմքայլական պատգամավոր Հայկ Սարգսյանը փողոցում խլել էր լրագրող Անուշ Դաշտենցի հեռախոսն ու հեռացել։