Ռուսաստանն ու Իրանը պայմանավորվել են զարգացնել շփումները պաշտպանական ոլորտում

Ռուսաստանի Դաշնության պաշտպանության փոխնախարար, գեներալ-գնդապետ Ալեքսանդր Ֆոմինը Մոսկվայում կայացած հանդիպման ընթացքում քննարկել է երկկողմ համագործակցությունը Իրանի զինված ուժերի պաշտպանության նախարարի տեղակալ, բրիգադային գեներալ Խոջաթոլլա Կորեյշիի հետ: Այս մասին լրագրողներին հայտնել են Ռուսաստանի ռազմական գերատեսչությունում:

«Կողմերը քննարկել են երկկողմ ռազմական և ռազմատեխնիկական համագործակցության արդիական հարցեր: Տեղի է ունեցել մտքերի փոխանակում տարածաշրջանային անվտանգության հարցերի շուրջ»,- ասել են նախարարությունից:

Ըստ ռազմական գերատեսչության՝ կողմերը «հաստատել են իրենց մտադրությունը՝ խորացնել երկխոսությունը և զարգացնել շփումները պաշտպանական ոլորտում»: