Ալիևը Բելառուսի ՊՆ ղեկավարին ասել է, որ Բելառուսը և Ադրբեջանը համագործակցության բարձր մակարդակ են ցույց տալիս

Ադրբեջանը և Բելառուսը պատրաստակամություն հայտնեցին զարգացնել ռազմական համագործակցությունը: Այս մասին հայտարարել է Ադրբեջանի նախագահ Իլհամ Ալիևը Բելառուսի պաշտպանության նախարար Վիկտոր Խրենինի հետ հանդիպման ժամանակ:

«Բելառուսը և Ադրբեջանը համագործակցության բարձր մակարդակ են ցույց տալիս: Նախագահ Ալեքսանդր Լուկաշենկոյի այցը Ադրբեջան մեկ անգամ ևս հաստատեց այս ամենը: Մենք շատ մանրամասն զրուցեցինք նրա հետ, քննարկեցինք երկկողմ հարաբերությունների լայն օրակարգը, այդ թվում` մեր երկրների միջև ռազմատեխնիկական համագործակցությունը, որն ունի երկար պատմություն»,- ասել է Ալիևը:

Հիշեցնենք, որ երեկ Խրենինը պաշտոնական այց  է կատարել Ադրբեջան՝ Ադրբեջանի պաշտպանության նախարար Զաքիր Հասանովի հրավերով: