Ռուս զինվորականները արգելել են Սիրիայում ամերիկյան շարասյան տեղաշարժը

Ռուսաստանի զինված ուժերի ռազմական ոստիկանությունը թույլ չի տվել, որ ԱՄՆ զրահամեքենաները շարժվեն Սիրիայում՝ չհամաձայնեցված երթուղով: Այդ մասին հայտնել է Պատերազմող կողմերի հաշտեցման ռուսական կենտրոնի փոխտնօրեն Ալեքսանդր Կարպովը:

Ըստ ՏԱՍՍ-ի՝ ապահակամարտային արձանագրությունների խախտում «Սիրիայում անօրինական տեղակայված ԱՄՆ զինված ուժերի ստորաբաժանումների կողմից» արձանագրվել է Հասաքե նահանգում․ MRAP վեց զրահամեքենա M-4 մայրուղով շարժվել է դեպի արևմուտք՝ առանց նախնական ծանուցման: Նրանց կանգնեցրել է Ռուսաստանի ռազմական ոստիկանության պարեկը և «վերադարձրել հակառակ ուղղությամբ»:

Պենտագոնի խոսնակ Ջեսիկա Մաքնուլթին ասել է, որ ինքը «ոչինչ չունի զեկուցելու այս հարցի վերաբերյալ»։