Շուշիում կազմակերպված հրավառությունը, մուղամն ու ադրբեջանական քարոզչությունը կարելի է որակել որպես սադրանք, որը պետք է համարժեք քաղաքական գնահատականի արժանացնել. Տիգրան Աբրահամյան

Շուշիում այսօր կազմակերպված հրավառությունը, մուղամն ու ադրբեջանական քարոզչությունն ապահովող մյուս ատրիբուտները մեկ բառով կարելի է որակել որպես սադրանք։ Այս մասին ֆեյսբուքյան իր էջում գրել է ««Հենակետ» վերլուծական կենտրոն» ՀԿ-ի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը:

«Այսպիսի տեղեկատվական, հոգեբանական և, իհարկե, քաղաքական գրոհները պետք է նվազագույնը համարժեք քաղաքական գնահատականի արժանացնել։

Նմանատիպ սադրանքները պետք է քննարկել ռուսական կողմի հետ, հակառակ դեպքում այն ծավալման միտումներ է դրսևորում և կարող է վերաճել առավել վտանգավոր գործընթացի»,- գրել է նա: