Սպիտակ տունը նշել է, որ կա որոշակի առաջընթաց Իրանի հետ անուղղակի շփումներում

ԱՄՆ վարչակազմը լավ նշան է համարում Վիեննայում ԱՄՆ-ի և Իրանի միջև անուղղակի շփումները Վաշինգտոնի և Թեհրանի՝ Իսլամական Հանրապետության միջուկային ծրագրի գործողությունների համատեղ համապարփակ ծրագրին վերադարձի բանակցությունների շրջանակներում. ՏԱՍՍ-ի տեղեկացմամբ` լրագրողների համար հերթական ճեպազրույցում հայտարարել է Սպիտակ տան մամուլի քարտուղար Ջեն Փսակին:

«Մենք միշտ գիտեինք, որ դա երկար և բարդ գործընթաց է լինելու, բայց նաև լավ նշան ենք համարում այն, որ վերջին մի քանի շաբաթվա ընթացքում Իրանի հետ դիվանագիտական շփումներ են եղել, նույնիսկ` անուղղակի ճանապարհներով: Որոշակի առաջընթաց է գրանցվել», - ասել է նա: