Սիրիայում 4 թուրք վարձկան է ոչնչացվել

«Աֆրինի ազատագրման ուժերն» այսօր հրապարակել են տեղեկատվություն, որ իրենք 3 գործողություն են իրականացրել Աֆրինում թուրքական օկուպացիայի դեմ. հայտնում է Hawar գործակալությունը։

Ըստ հաղորդագրության` ապրիլի 28-ին «Աֆրինի ազատագրման ուժերը» գործողություն են իրականացրել Շերավայի շրջանի Բուրջ Այդար գյուղի մերձակայքում, որի արդյունքում վերացվել է մեկ օկուպանտ, ինչպես նաև շարքից հանվել երկու մեքենա, որոնք տեղափոխել են վարձկաններին:

Նույն օրը Աֆրինի ազատագրման ուժերը հարձակվել են նաև Աֆրինում գտնվող թուրք և թուրքամետ վարձկանների վրա: Այս գործողության ընթացքում մեկ զինվոր վերացվել է, ևս երեքը` վիրավորվել:

Հայտարարության մեջ նշվում է նաև, որ ապրիլի 30-ին Աֆրինի գրավյալ Հուլալքա գյուղում թուրք վարձկանների դեմ ևս մեկ գործողություն է իրականացվել, որի արդյունքում սպանվել է մեկ վարձկան, երկուսը վիրավորվել են:

Աֆրինի ազատագրման ուժերը հաստատել են, որ իրենց գործողություններով ոչնչացվել է 4 թուրք օկուպանտ, վիրավորվել` 5 վարձկան:

Հիշեցնենք, որ Թուրքիան 2018 թ.-ից բռնազավթել է Սիրիայի հյուսիսային Աֆրին շրջանը։