AstraZeneca-ի պիտանելիության ժամկետը մայիսին ավարտվում է, եւ նրանք այդ պատվաստանյութն իրացնելու խնդիր ունեն. Գեւորգ Գրիգորյան

AstraZeneca պատվաստանյութի պիտանելիության ժամկետը մայիսին ավարտվում է, եւ առողջապահության նախարարությունն այդ պատվաստանյութն իրացնելու խնդիր ունի: Այս մասին ֆեյսբուքյան իր էջում գրել է առողջապահության կազմակերպիչ, ուռոլոգ Գեւորգ Գրիգորյանը:

«Հիշո՞ւմ եք, որ AstraZeneca պատվաստանյութի տարիքային շեմը սահմանել էին 55 տարեկանից բարձր տարիքը:

Հիշո՞ւմ եք, թե ինչպես էին փորձում հիմնավորել իրենց որոշումը:

Դե քանի որ հիշում եք՝ ասեմ, որ նախարարի հրամանով փոփոխել են ՏԱՐԻՔԱՅԻՆ ՇԵՄԸ (ինչպես գարդասիլի դեպքում):

Դա բնական էր, որովհետև AstraZeneca պատվաստանյութի պիտանելիության ժամկետը մայիսին ավարտվում է, եւ նրանք այդ պատվաստանյութը իրացնելու խնդիր ունեն:

Հ.Գ. բնակչությունը չի վստահում ՀՀ առողջապահության նախարարությանը: Առողջապահության նախարարությունը արդեն վաղուց լեգիտիմ չէ», - գրել է բժիշկը: