Ցեղասպանության ճանաչումը եւ դատապարտումը կարեւոր է հայ ժողովրդի ֆիզիկական անվտանգության համար․ ՀՀ ԱԳՆ

Ցեղասպանության ճանաչումն ու դատապարտումը կարեւոր է ոչ միայն պատմական ճշմարտության եւ արդարության վերականգնման, այլեւ հայ ժողովրդի ֆիզիկական անվտանգության համար: Այս մասին ապրիլի 26-ին կայացած մամուլի ասուլիսում ասաց ՀՀ արտաքին գործերի նախարար Արա Այվազյանը՝ անդրադառնալով ԱՄՆ նախագահ Ջո Բայդենի հայտարարությանը, որն իր ուղերձում կիրառել է «ցեղասպանություն» բառը:

«Յուրաքանչյուր ապրիլի 24-ը յուրահատուկ օր է: Սա առաջինն է պատերազմից հետո եւ բնութագրվում է հատուկ միջազգային հնչողությամբ: Այս տարի օրը նշանավորվում է միջազգային հանրության կողմից հայ ժողովրդի հանդեպ ցուցաբերվող ուժեղ աջակցությամբ: Հայաստան, չնայած կորոնավիրուսի հետ կապված սահմանափակումներին, բարձրաստիճան պատվիրակություններ ժամանեցին: Եղան նաեւ ուղերձներ գործընկերների կողմից, այդ թվում՝ ամենաբարձր մակարդակով»,- ասաց նախարարը: 

Արտաքին գործերի նախարարը շեշտեց, որ լիովին կիսում է Բայդենի ուղերձում արտացոլված գաղափարը, ըստ որի՝ միջազգային հանրությունը պետք է արդյունավետ քայլեր ձեռնարկի՝ կանխելու նման հանցագործությունների կրկնությունը: Միեւնույն ժամանակ, Արա Այվազյանը հիշեցրեց, որ Հայաստանը ցեղասպանությունների կանխարգելման առաջնահերթ մարտիկներից է եւ մեծ ներդրում է ունեցել Բայդենի ուղերձից առաջ: