Վրաստանը կարող է ստանալ ԵՄ միջանկյալ անդամի կարգավիճակ

«Լելո Վրաստանի համար» կուսակցության առաջնորդներից Բադրի Ջափարիձեի խոսքով՝ Վրաստանը կարող է ԵՄ անդամակցության միջանկյալ կարգավիճակ ստանալ: Այս մասին քաղաքական գործիչն ասել է Բրյուսելում, որտեղ հանդիպել է համակուսակցականներ Մամուկա Խազարաձեի և Գրիգոլ Հեգելիայի հետ:

«Այսօր Բրյուսելում հայտարարվել է նոր նախաձեռնություն` ԵՄ անդամակցության ճանապարհային քարտեզ ներկայացնելու համար, և դա կլինի հսկայական առաջընթաց, որը ենթադրում է Վրաստանին տրամադրվող՝ ԵՄ միջանկյալ անդամակցության կարգավիճակ: Այս կարգավիճակով Վրաստանը նոր հնարավորություններ կունենա: Սա երկրի համար կլինի բոլորովին նոր փուլ, որը կօգնի մեզ դուրս գալ ամենամեծ տնտեսական ճգնաժամից և իսկապես բարգավաճում բերել Վրաստանի քաղաքացիներին»,- ասել է Բադրի Ջափարիձեն: