Այս պահին Երևանում sett-weather
Փոխարժեքներ 28 10 2024
USD ⚊ $ 387.25
EUR ⚊ € 419.2
RUB ⚊ ₽ 4.01
GBP ⚊ £ 502.92
GEL ⚊ ₾ 141.79
կարևոր
0 դիտում, 3 տարի առաջ - 2021-04-20 23:29
Արցախ

Սեդան, Մական, Անին... մեր ավերված մանկությունը. շուշեցի աղջկա հուզիչ գրառումը

Սեդան, Մական, Անին... մեր ավերված մանկությունը. շուշեցի աղջկա հուզիչ գրառումը
Ծնունդով Շուշիից Թամար Սիմոնյանը գրում է.
 
«Այս շենքում անցել են իմ կյանքի ամենուրախ և անհոգ տարիները։
 
Մեր բակում բոլորս հավասար էինք, բոլորս կիսվում էինք մեր ունեցած քաղցրավենիքով կամ խաղալիքով, բոլորի անուներն ու դեմքերը հիշում եմ ՝ Ռուզանը, Սյուզին, Սեդան, Մական, Գենան, Անին, Մարթան, Լիլիթը, Դավիթը, Վրեժը, Նարինեն, Դինան, Իրինան, Հայասերը, Կիմը, Տիգրանը։
 
Այս տեսանյութում ավիրում են մեր շենքը, մի քանի անգամ նայել եմ, երևի մտածում եք մազոխիստ եմ ու ինձ տանջում եմ, կամ արտասվել եմ, բղավել կամ անիծել ինչ-որ մեկին՝ իմ մանկությունն ավիրելու համար։
 
Իսկ ինձ մոտ բթացած ցավ է ու զգացմունքների դեֆիցիտ՝ այլևս ոչինչ չեմ զգում ու հենց դրանից վախենում եմ։
 
«Տեղ գյուղից այն կողմ Ադրբեջանն է», «Շուշին հայկական չէր», «Շուշին պե՞տք էր մեզ, դժբախտ ու դժգույն քաղաք էր», «Զոհերի քանակը 4000 է՝ +-50»․․․․․․․
 
Մոռանա՞լ այս ամենը, համարել, որ օրը կգա կներե՞նք, ամեն ինչ կմոռացվի՞, դուք չգիտեմ, ես երբեք!!!
 
Պատասխան են տալու բոլորը, ովքեր իրենց սխալ քայլով, սխալ արտահայտությամբ ու անգամ սխալ լռելու պատճառով՝ վիրավորել են թեկուզ մեկ մարդու ով կորցրել է իր որդուն, իր հայրենիքը, իր ծննդավայրը․․․․
 
Ատում եմ խղճահարության բոլոր դրսևորումները ու ուզում եմ որպեսզի ոչ մի արցախահայի դուր չգա խղճահարություն ասված զզվելի երևույթը, գիտեմ դժվար է, համարյա անհնար, բայց ուզում եմ, որ մեջքներս ուղիղ ու գլուխներս բարձր պահենք, անկախ թե որ մի թուրքն է փորձում ձեզ վիրավորել՝ ներսի թե դրսի։
 
Հ․Գ․ խնդրում եմ վա՜յ-վու՜յ բացականչություններ չանել, լացկան դեմքեր չդնել մեկնաբանություններում, երբ ինձ տեսնում եք ու հարցնում եք Տոմ դու որտեղից էիր՞, պատասխանը լսելուց հետո չասել՝ վա՜յ, ափսոս։
 
Հա թող շենքերը քանդեն, ավիրեն, եկեղեցիները քանդեն, ես համոզված եմ որ վերադառնալու եմ իմ Շուշի՝ հողն ու օդն էլ հո չե՞ն ավիրելու։
 
ԻՄ ԱՄԵՆԱՀԱՅԿԱԿԱՆ ՇՈՒՇԻՆ»։
 
 
 
 
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը