Դրոյի, Վրացյանի և այլոց մասին՝ դաշնակցական կանանցից. Ի. Սաղաթեյանի հուզիչ գրառումը

ՀՅԴ Հայաստանի ԳՄ ներկայացուցիչ Իշխան Սաղաթելյանը, ով այս օրերին աշխատանքային այցով գտնվում է ԱՄՆ-ում, ֆեյսբուքյան էջի միջոցով տեղեկացրել է իր հանդիպումներից մեկի մասին: Գրառումը կից լուսանկարներով ներկայացնում ենք ստորև.  

«Ծանոթացեք, խնդրեմ, Դաշնակցական ընկերուհիներ՝ Ռուբինա Բագրատունի և Խաթում Բագրատունի: Ովքեր մեծ և անգնահատելի ավանդ ունեն հայ երիտասարդության դաստիարակման և կրթության գործում: ՀՅԴ շարքերն են անցել 1968 և 1952 թվականներին, մոտիկից ծանոթ են եղել Դրոյի, Սիմոն Վրացյանի, Նիկոլ Աղբալյանի, Լևոն Շանթի հետ:

Ինձ ցույց տվեցին խնամքով պահպանված ՀՅԴ ներքին կանոնագիրը՝ տպագրված 1905 թվականին, պատմեցին Դրոյի, Վրացյանի և մյուսների մասին պատմություններ, որ մի առիթով դեռ կանդրադառնամ: 

Մանրամասն տեղյակ էին Հայաստանի ներքաղաքական անցուդարձից, այդ թվում՝ վերջին օրերի դեպքերից: 

Հ.Գ
Հպարտ եմ՝ իրենց գործը շարունակող կա…»։