Իլոն Մասկը քննադատել է աշխատանքային վիզաների տրամադրումը դադարեցնելու ԱՄՆ-ի որոշումը

Ամերիկացի ձեռնարկատեր, SpaceX և Tesla ընկերությունների հիմնադիր Իլոն Մասկը քննադատել է աշխատանքային վիզաների մի շարք տեսակների տրամադրումը դադարեցնելու Վաշինգտոնի որոշումը։

Այս առնչությամբ նա գրառում է կատարել իր թվիթերյան պաշտոնական էջում, նշելով. «Բացարձակապես համաձայն չեմ այդ միջոցառման հետ․․․ Վիզային բարեփոխումն իմաստ ունի, սակայն սա չափազանց մասշտաբային է»։

Հիշեցնենք՝ ավելի վաղ ԱՄՆ իշխանությունների որոշման քննադատությամբ է հանդես եկել նաև Twitter ընկերությունը, հայտարարելով՝ որոշումն անհեռատես է և խարխլում է ԱՄՆ տնտեսական հզորությունը։

Ավելի վաղ հայտնել էինք՝ ԱՄՆ նախագահ Դոնալդ Թրամփը հրահանգել է մինչև 2020 թվականի դեկտեմբերի 31-ը դադարեցնել  H-1B, H-2B, J և L կատեգորիաների վիզաների տրամադրումը։