Սահակաշվիլին ասել է, որ Վրաստան կվերադառնա մինչև աշուն

Վրաստանի նախկին նախագահ Միխեիլ Սահակաշվիլին հայտարարել է, որ վերադառնալու է հայրենիք հոկտեմբերին կայանալիք տեղական ինքնակառավարման մարմինների ընտրություններին, հայտնում է ՏԱՍՍ-ը:

«Ես ուզում եմ հայտարարել իմ որոշման մասին: Ես՝ Միխեիլ Սաակաշվիլիս, նախապես գալու եմ Վրաստան՝ մինչ այս հանրաքվեն (տեղական ինքնակառավարման մարմինների ընտրություններ) ... Ես հաստատ կլինեմ այս գործընթացի անմիջական մասնակիցը»,- երեքշաբթի հայտնել է նա տեսաուղերձում։

Սահակաշվիլին բացատրել է, որ առաջիկա ընտրությունները անվանում է հանրաքվե, քանի որ կառավարության և ընդդիմության միջև համաձայնագիրը պարունակում է դրույթ քվեարկության ընթացքում իշխող կուսակցությանը սատարելու մակարդակի վերաբերյալ: Եթե այն չկատարվի, 2022 թվականին պետք է նշանակվեն արտահերթ խորհրդարանական ընտրություններ: