Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-04-13 23:50
Քաղաքական

«Մարտի 1»-ի գործը կարճվեց, որպեսզի հերթական շոուի համար առաջին պլան բերվի կոռուպցիայի մեղադրանքը. Ռոբերտ Մարգարյան

«Մարտի 1»-ի գործը կարճվեց, որպեսզի հերթական շոուի համար առաջին պլան բերվի կոռուպցիայի մեղադրանքը. Ռոբերտ Մարգարյան

Քաղաքագետ-իրավաբան Ռոբերտ Մարգարյանը գրում է.

«300.1 հոդվածը հակասահմանադրական ճանաչելու մասին ՀՀ ՍԴ-ի որոշման հրապարակումից և Մարտի 1-ի գործով նախագահ Ռոբերտ Քոչարյանի ու մյուսների արդարացումից հետո նիկոլ փաշինյանի համեմատաբար զուսպ պահվածքը շատերին զարմանալի էր թվում:
 
Հիմա կարելի է մասամբ հասկանալ գերագույն գլխավոր հանցագործի նման պահվածքի պատճառները:
 
Նախ 300.1 հոդվածի հանվելը նաև անցած երեք տարիների ընթացքում տասնյակ անգամներ ու ի դեպ, բավարար փաստերով ու ապացույցներով սահմանադրական կարգը տապալած դավաճանին փրկում է մոտալուտ իշխանափոխությունից հետո նույն հոդվածով դատվելու և 10-ից 15 տարվա ազատազրկման ենթարկվելու հնարավորությունից:
 
Երկրորդ՝ «Մարտի 1-ի» գործը նիկոլ փաշինյանի համար ունեցել է նույն նշանակությունն ինչ ունեցավ առանց զինամթերքի ՍՈՒ-երի գնումը կամ «Լելե Թեփե»-ն ետ գրավելու ձախողած ու անիմաստ գործողությունը: Դրանց հետ սելֆի անել և ամբոխից ծափեր խլել իմանալով հանդերձ, որ դրանք վերջում որևէ բանի պետք չեն գալու: Գերագույն գլխավոր մարդասպանը դեռ 2008 թվականի մարտի 1-ին է փաստել, որ իր համար մարդկային կյանքը կոպեկ չարժե:
 
Միևնույն ժամանակ «Մարտի 1»-ի գործն իրեն սպառած է: նիկոլը դատախազի դերում նախ նշանակեց «Մարտի 1»-ի գործով մեղադրյալին ու ապա դատավորի դերում նրան անօրինական կերպով իբր պատժեց երկրորդ նախագահին մոտավորապես ազատազրկման մեջ պահելով այնքան որքան ինքն էր նույն գործով մնացել ճաղերի հետևում:
 
Իսկ այսօր արդեն կարելի է խոսել երրորդ և գլխավոր պատճառի մասին:
 
Ընտրությունների սեմին նիկոլին անհրաժեշտ են հասարակական առավել հնչեղություն ունեցող ու ականջ շոյող գործեր, որոնց միջոցով կարելի է շոու կազմակերպել:
 
«Մարտի 1»-ի գործի հետ միաժամանակ գերագույն գլխավոր «կաշառատու» սիլվա համբարձումյանի ցուցմունքով նախագահ Ռոբերտ Քոչարյանին կաշառք ստանալու մեղադրանք էր առաջադրվել, որը վերջին երկու տարիների ընթացքում մնացել էր «Մարտի 1»-ի գործի ստվերում:
 
Կարելի է արդեն գուշակել, որ օգտագործման ժամկետն սպառած «Մարտի 1»-ի գործը կարճելու հրահանգ արձակելով նիկոլը փորձում է առաջին պլան բերել կոռուպցիայի կապակցությամբ մեղադրանքը և նույն գործով դատարանի դիմաց կանգնեցնել ու չի բացառվում նաև կալանավորել նախագահ Ռոբերտ Քոչարյանին:
 
Արտահերթ ընտրությունների սեմին նախագահ Ռոբերտ Քոչարյանի վարկանիշի բարձրացման ֆոնին զամբիացած հասարակության քվեն շահելու համար գերագույն դավաճանից ամեն ինչ սպասելի է»:
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը