Սառնարանային կիսակցորդները պետական մարմիններին տրամադրվել են պետության կարիքների համար

«Սպայկա» ընկերությունը Հայաստանի եւ Արցախի Պաշտպանության նախարարություններին անհատույց տրամադրել է սառնարան-կիսակցորդներ: Տեղեկությունը տարածել է ընկերության մամուլի ծառայությունը՝ պարզաբանելով մամուլում տարածվող տեղեկությունները, թե «Սպայկայի» սառնարաններում դիակներ են պահվում:

«Կիսակցորդները տրամադրվել են պետական մարմիններին՝ վերջիններիս հայեցողությամբ, ռազմական դրությամբ պայմանավորված պետական կարիքների լուծման համար»,- ասված է հայտարարության մեջ:

Նշենք, որ ընկերությանը պատկանող նման սառնարաններ կան Մեծամորի դիահերձարանի բակում:

«Սպայկան» նաեւ տեղեկացրել է, որ սեպտեմբերի 28-ից մինչեւ նոյեմբերի 9-ը, սեփական միջոցների հաշվին եւ անհատույց, իրականացրել են բեռնափոխադրումներ Ստեփանակերտ հասցնելով ավելի քան 10 հազար տոննա բեռ:

Ընկերությունը հորդորում է զերծ մնալ շահարկումներից: