ՊՆ «Արզնի» օդանավակայանի աերոդրոմը կօգտագործվի ընդհանուր նշանակության ավիացիայի կարիքների համար

Կառավարության վաղվա  նիստի օրակարգում ՊՆ-ն ներառել է կառավարության որոշման փոփոխություն, որով նախատեսվում է ՀՀ պաշտպանության նախարարության «Արզնի» օդանավակայանի աերոդրոմի կարգավիճակը սահմանել որպես համատեղ բազավորման աերոդրոմ:

 Ըստ հիմնավորման, նախատեսվում է հնարավորություններ ստեղծել՝ ուղղված մասնավոր առևտրային փոխադրումների կազմակերպմանը, ինչպես նաև ուսումնական գործընթացներին, մասնավորապես օդաչուների պատրաստման և վերապատրաստման ծրագրերի իրականացմանը: Միաժամանակ, նշված գործառույթներն ապահովելու նպատակով անհրաժեշտություն է առաջանում օդանավերի տեխնիկական սպասարկման գծային (բազային) կենտրոնի ստեղծման մեջ: Նախագծի ընդունման արդյունքում հնարավորություն կընձեռվի ՀՀ պաշտպանությաննախարարության«Արզնի» օդանավակայանի աերոդրոմն օգտագործել նաև ընդհանուր նշանակության ավիացիայի կարիքների համար: Նախագծի ընդունումը կնպաստի ՀՀ ընդհանուր նշանակության ավիացիայի զարգացման նախադրյալիների ձևավորմանը, նոր աշխատատեղերի ստեղծմանը և ներդրումների ներգրավմանը: