Բաքվում հայտնաբերվել է կորոնավիրուսի բրիտանական շտամը

Արտերկրից Ադրբեջան մուտք գործող և երկրում բնակվող անձանցից վերցված՝ SarsCov-2 կորոնավիրուսի անալիզների նմուշներում հայտնաբերվել են կասկածելի տարբերակներ. հայտնում է haqqin.az-ը։

Տեղեկատվության համաձայն՝ Արյունաբանության և փոխներարկումների ազգային կենտրոնում Sars Cov-2 գենոմի վերլուծությունը ցույց է տվել կորոնավիրուսի բրիտանական շտամի առկայություն երեք նմուշներում: Կենտրոնը շեշտել է, որ Ադրբեջանում կորոնավիրուսի դեմ կիրառվող Coronavac պատվաստանյութը արդյունավետ է նաև նոր շտամների դեմ:

Հիշեցնենք, որ 2020 թ. դեկտեմբերին Մեծ Բրիտանիայում առաջին անգամ հայտնաբերվել է կորոնավիրուսի՝ մուտացիայի ենթարկված տեսակ, որը ստացել է «բրիտանական շտամ» անունը։ Այն աչքի է ընկնում նրանով, որ, ի տարբերություն ավելի հայտնի տեսակի, շատ արագ է տարածվում։