Ղրիմում անդրադարձել են Թուրքիայի՝ թերակղզու կարգավիճակի վերաբերյալ դիրքորոշմանը

Թուրքիայի դիրքորոշումը, որը չի ճանաչում Ղրիմի ռուսական կարգավիճակը, անընդունելի է․ հայտարարել է Ռուսաստանի նախագահի՝ հանրապետությունում մշտական ներկայացուցիչ, շրջանի կառավարության փոխվարչապետ Գեորգի Մուրադովը:

«Մենք դաշնային մակարդակում Թուրքիայի հետ այնքան լայն և բեղմնավոր հարաբերություններ ունենք, որ, իմ կարծիքով, անընդունելի է արհամարհական վարվել այնպիսի զգայուն թեմայի առնչությամբ, ինչպիսին է Ղրիմի պատկանելությունը Ռուսաստանին: Երկու աթոռների միջև նստելը չի աշխատի, և շուտով դուք պետք է որոշում կայացնեք»,- ասել է Մուրադովը ՌԻԱ «Նովոստի»-ին տված հարցազրույցում:

«Մենք հսկայական քանակությամբ ազդանշաններ ենք ստանում թուրքական բիզնեսից, որոնք ցանկանում են աշխատել տարածաշրջանում: Թուրք գործարարներն արդեն ակտիվորեն աշխատում են Ղրիմում, բայց նրանք ստիպված են թաքնվել տարբեր շերտերով ու դուստր ձեռնարկություններով: Ցավոք, սա տնտեսական և քաղաքական անհրաժեշտություն է»,- շեշտել է Մուրադովը:

Բացի այդ՝ նա նշել է, որ Ղրիմի թաթարների մեծ սփյուռք ապրում է Թուրքիայում: Ըստ Մուրադովի՝ Ռուսաստանը և Թուրքիան ունեն բազմաթիվ թեմաներ, որոնք պետք է համակարգվեն բարեկամական ոգով և լուծվեն`հաշվի առնելով պատմական կապերը: